मी कधी नव्हतोच माझा,
आज ही तितका नव्हे..!
रंगला नव्हताच रंग,
आज ही तितका नव्हे..!!
राहिलो त्यांच्यात अन मी,
म्हणले त्यांसी आपुले..!
मी कधी नव्हतोच त्यांचा,
आज ही तितका नव्हे..!!
प्रश्न पडला आजवर का,
प्रीत नाही जोडली..!
प्रश्न हा नव्हताच साधा,
आज ही तितका नव्हे..!!
आजन्मीचे एकटेपण,
विसरले त्यांच्यासवे..!
पण संपला नव्हताच भास्,
आज ही तितका नव्हे..!!
वेळ ही आलीच आहे,
नवी अक्षरे गिरवायची..!
निरक्षर ही नव्हतो कधीच,
आज ही तितका नव्हे..!!
